“T*ng*n* mo, Wolf! Ikaw pala yung tinatawag nilang Pyre.”
Nilingon ko siya ng sabihin niya iyon. Iniinsulto niya ba ako para bigyan niya ako ngayon ng pangalan?
Pagkatapos ko siyang titigan ng masama ay hindi ko na lang din muna pinatulan ang mga walang kakwenta-kwentang lumalabas sa bibig niya, at ibinalik kong muli ang aking tingin dito sa mga makikintab kong koleksyon.
“Sabi ko na nga ba at kilala ko rin ang gumagawa ng pagpatay na iyon. T*ng*n* nagmamalinis ka pa, eh mas masahol ka pa nga sa mga pinapatay mo.”
Muli ko siyang nilingon at sa pagkakataong ito ay dala ko na ang anim na pirasong dart na gagamitin ko sa kanya.
Nanlaki ang mga mata niya nang makita ang mga iyon, malamang pumasok na sa maliit na kukote niya ang plano kong gawin. Alam na alam niya kung bakit darts ang haw
