Pananaw ni Lesley
Dinilat ko ang mata ko ng pakiramdam ko mayroong nakatingin sa akin. Pagtingin ko sa pintuan ay nandoon si Cridd, nakatayo habang nakasandal sa pader.
Agad akong tumayo mula sa pagkakahiga ko. Bakit bumalik pa s'ya sana doon na lang s'ya kila Mila tumira, tutal close naman sila.
Napatingin ako sa hawak n'yang kahon. Naglakad ito palapit sa akin, hinagis n'ya sa papag ang kahon. Tinignan ko naman s'ya at 'yung kahon na binaba n'ya.
"Binili ko para sayo, para naman magmukha kang tao bukas," seryoso n'yang sabi sa akin.
Tinignan ko ang kahon at natawa ako ng peke. Sa tingin n'ya ba hindi ako mukhang tao. Siya nga mukhang unggoy.
"Papadalan ako ni Heneral Paez, kaya salamat na lang," walang gana kong sabi sa kan'ya.
"Asa ka naman na papadalan ka noon," sabi sa akin ni
