Kabanata IX
SIMOUN
KANINA ko pa naoobserbahan ang kanyang kakaibang pagkilos simula nang makipag-usap kami sa mag-inang magiging regular na tagabili ng mga mangga ng hacienda simula bukas.
Galit na galit siya sa akin nang pumayag ako sa kagustuhan ng mag-ina.
At isa sa mga hindi ko inaasahang sabihin niya ay ang sasama siya sa akin kahit pa kabilin-bilinan ng mag-ina na hindi ako dapat magsama.
Wala naman akong magagawa kundi umoo na lang sa gusto niya.
"Ihahatid na lang kita sa mansyon at doon ay magsisimula na akong maglakad pabalik sa manggahan," wika ko habang papasok na kami sa hacienda.
"Hindi. Ideretso mo ako sa manggahan at doon natin hihintayin si papa," sabad niya.
Hindi ako nakakibo.
Kaya naman sinunod ko na lamang ang gusto niyang mangyari. Pumasok kami sa mabatong kal
