Kabanata XXII
PAUNAWA: Ang sumusunod na eksena ay naglalaman ng maselang konteksto at mga pangyayari. Maaaring huwag nang basahin at sundan na lamang ang susunod na kabanata kung ikaw ay 18 anios pababa.
SIMOUN
NANG MAKITA KO siyang yumakap sa kanyang kasintahan na si Fabian ay hindi ko inasahan na may mamumuong selos sa aking dibdib.
Maayos na sana ang lahat kanina. Nakita ko siyang lumabas sa mansyon at nakita ko rin na nasa kanyang mga mata ang pagkasabik na makita ko katulad ng kanyang tinuran sa kanyang kasagutan sa aking liham kaninang umaga.
Ngunit nang sumulpot mula sa kanyang likuran si Fabian ay nagbago ang lahat.
Pinilit kong huwag maapektuhan dahil sa aking nakikita ngunit nang magsimula silang maglakad patungong hardin ng mansyon ay halos gusto ko siyang hilahin at ilayo
