TAME THE RUTHLESS
TONYROSE JAYME
"SIGE na, alagaan niyo ang isa't isa habang wala ako," bilin ni Tony sa mga kapatid na nakasunod sa kanya habang papalabas siya ng kanilang bahay. Umiiyak si Trevor pati na si Tegan na malungkot ang tingin sa kanya.
"Mama, no, go, mama," Tegan said before reaching for her. Ngumiti siya sa kapatid bago ito bigyan ng magaang halik sa tuktok ng ulo.
"Ate, 'wag ka na po umalis. Promise, magpapakabait na po ko," sambit naman ni Trevor na mahigpit ang hawak sa bewang niya at tila ayaw nang bumitiw doon. Bumaba si Tony upang maging kapantay ang nakababatang kapatid bago guluhin ang buhok nito.
"Ate," reklamo ng kapatid na mabilis inayos ang nagulong buhok.
"Akala ko ba magpapakabait ka na? E, bakit ka nagagalit diyan?" tumatawang tanong niya. Nakasimangot
