ANACONDA
TONYROSE JAYME
"Hey there, beautiful," bati ng nakangiting si Craig sa kanya habang nagdidilig siya ng mga rosas sa hardin. Iyon ang nakasanayan niyang gawin bukod sa pag-aalaga kay Lola Cela. Dahil na rin siguro sa hilig niya sa mga halaman at bulaklak ay nag-eenjoy siyang gawin iyon. Saglit na lumingon siya sa binata at sinuklian ito ng malawak na ngiti habang walang patid ang malakas na pagtibok ng kanyang puso. Ilang araw na ang nakararaan mula nang aminin ng binata ang nararamdaman para sa kanya at ilang araw na rin itong walang palyang nagbibigay sa kanya ng bulaklak. Sa katunayan nga ay may bitbit na naman itong isang bouquet ng sunflower at mga tsokolate.
"Magandang umaga," balik na bati niya sa binata bago pinatay ang tubig at tuluyang humarap dito. Iniabot nito ang mg
