STILL YOU
TONYROSE JAYME
"HALINA kayo, umalis na tayo rito," matigas na sambit ni Tony habang hila-hila ang maleta at sukbit sa isang balikat ang knapsack na naglalaman ng kanyang mga damit.Inilagay niya nang lahat ng gamit niya sa loob niyon, wala na siyang itinira dahil wala na siyang balak pang bumalik doon. Ngayong nalaman na ni Craig kung sino ba talaga siya ay tapos na rin ang usapan nila ni Archer. Isa pa, magaling naman na ang binata, nakatatayo na ito at nakapaglalakad, hindi na nito kailangan pang alagaan. Nakahanap na rin naman siya ng bago nilang lilipatang bahay at sapat na ang sinuweldo niya para bayaran ang upa at iba pang gastusin na dapat bayaran.
"Ate, ano po bang nangyayari?" naguguluhang tanong ni Tiana habang nakatingin sa kanya at paminsan-minsang bumabaling kay C
