NEVER AGAIN
TONYROSE JAYME
MABILIS na napatakbo palabas ng kusina si Tony dahil sa sobrang pag-aalala nang marinig niya ang nakakabinging sigaw ni Tiana mula sa sala.
"Tiana, anong nangyari sa'yo?" agad na tanong niya sa kapatid nang tuluyan siyang makalapit dito. Nakayuko ito habang yakap ang dalawang tuhod at halatang umiiyak dahil malakas na umaalog ang balikat nito.
"Tiana," tawag niya sa pangalan nito. Mabagal itong nag-angat ng ulo at tinignan siyang puno ng luha ang mga mata ngunit hindi ito nagsalita.
"Theo, ikuha mo nga muna ng tubig si Tiana," utos niya sa binatang kapatid na agad naman siyang sinunod. Pagablik nito ay noon niya lang napansin ang malungkot na ekspresyon sa mukha nito.
"Ano bang nangyayari sa inyo?" tanong niyang muli ngunit sa pagkakataong iyon ay para
