DASHIEL
"Anak, uuwi ka ba mamayang gabi?"malumanay na tanong ng inay sa akin.
Napaangat ang tingin ko sa kanya at mabilis na umiling. Tatlong magkakasunod na gabi na akong wala dito sa bahay dahil busy kami ng grupo sa paggawa ng thesis. Kaunting panahon na lamang ay mga-graduate na ako. Ayokong mapahiya kay Don Manolo at gayundin sa mga magulang ko. Gusto kong suklian ang lahat ng sakripisyo nila. At syempre para din sa future namin ni Corinthian.
"Ganun ba? O, nag-text ka na ba kay Ian?" may himig pag-aalala sa paraan ng pagkakatanong. "Hindi ka daw nagre-reply sa mga mensahe niya. May problema ba kayo?"
Inayos ko ang pagkakasalansan ng mga research paper bago inilagay na sa loob ng brown leather bag. "Hindi po ako makapag-reply sa kanya buong araw kahapon kasi naka-off po ang pho
