Mas matindi pa ngayon ang nararamdaman ko. Nakita ko nga ang asawa ko ngunit di naman ako kilala nito at ang masama pa ay mukhang may gusto na itong iba. Nanlumo ako sa mga pangyayari at hindi ako makakilos sa aking kinauupuan.
“Aalis na rin po siguro kami,” saad ni Jc sa mag-asawa.
“Ha? Aalis na tayo?”
“Oo Seline. Bumalik muna tayo sa hotel.”
“Pasensya na kayo sa anak ko. Napakatigas talaga ng ulo niyan. Palibhasa ay bunso at lahat ng maibigan ay ibinibigay ng ama at mga kapatid,” saad ni Aling Dolores.
“Salamat po sa pagpapatuloy ninyo sa amin, nangingilid ang luha ko habang nagsasalita. Nakatungo lang si Andrew at mukhang malalim ang iniisip.
“May bisita pala,” isang lalaki ang pumasok sa loob ng bahay at napalingon kaming lahat.
Ngumiti lang kami ni Jc ng bahagya sa lalaking pum
