"Anong nangyari diyan?" Tanong ni Cecilia ng makita ang pasa ni Sam sa tagiliran nito at bandang braso.
Napatingin naman doon si Sam at umiling "Ah, iyan? Nabunggo lang ako, Nay. Wala iyan. Huwag mo nang pansinin," naka-ngiting sagot niya sa kaniyang ina.
Inayos ni Cecilia ang suot na korona ni Sam "O sige, basta sa susunod mag-iingat ka."
Tumango si Sam at napatingin sa kaniyang mga pasa.
Napangiti siya.
___
Isang imbitasyon ang ipinamudmod sa lahat ng mga namumuno sa Salinlahi maski na rin sa mga importanteng Tao sa Republika.
Isang imbitasyon na magaganap sa sagradong lupain ng Salinlahi. Imbitasyon na nagpataas ng kilay ay nakakuha ng pansin mula sa Media. Pinag-usapan, at ngayon ay inaabangan.
Nagkukumpulan ang mga tao, napakarami ang dumalo para saksihan ang gagawin n
