"Mahal na Prinsesa!" natatarantang sabi ni Tess habang inaalalayan niya si Sam.
Si Sam ay tila wala pa rin ideya kung ano ang nangyayari sa kaniya.
"Tess... Ano ito?"
Pinakatitigan siya ni Tess at pinaupo. Ramdam ni Tess ang panginginig ng kamay nito.
"May masakit?" tanong ni Tess at umiling si Sam.
"Wala akong maramdaman."
Pinakatitigan siya ni Tess. "Kailan ang huli mo?"
"Ha?"
"Huli kang dinatnan?" Tanong ni Tess. Lalo pa at wala rin itong maalala na may makitang bakas ng dalaw sa higaan o pang ibaba ng Prinsesa. Nawala rin sa isipan niya.
"Hindi ko alam... Teka? Dalaw lang ba ito?"
Umiling si Tess at pinahiga siya.
"Humiga ka. Itaas mo ang binti mo. Itong unan iligay mo rito. Babalik ako, tatawag lang ako ng doctor,"
"Tess, ano ba ang nangyayari?"
Bumakas ang kaba sa mukha
