"GOODBYE CLASSMATES, GOODBYE TEACHER, see you tomorrow!"
Sabay-sabay at malakas na turan ng nga estudyante ko na nagpa-ngiti sa akin.
"Goodbye, class. See you tomorrow."
Kapagkuwan, ay pinapila ko na ang mga ito upang ihatid sa gate, kung saan naghihintay ang sundo ng mga ito.
Hindi kasi pinapayagan ang mga estudyante na makalabas nang walang sundo. Isa-isang tatawagin ng guard ang pangalan ng mga bata, saka lalapit kung sino ang guardian na nakalagay sa fetcher's id nito, at doon pa lamang ito papayagan na makalabas. Kung wala namang sundo ay muli kaming babalik sa loob ng classroom at maghihintay, hanggang sa dumating ang sundo ng mga ito.
Matapos na matawag ang pangalan ng lahat ng mga bata, tatlo pa sa mga estudyante ko ang hindi pa dumarating ang sundo.
Muli kong iginiya ang mga
