"SELF-PROCLAIMED FIANCE, wala namang singsing."
Nang-uuyam ang ngiti sa mga labi, na ani Dash kay Dos. Umangat pa ang gilid ng mga labi nito bilang pag-ismid.
Dagli namang mariing naglapat ang mga labi ng huli, at matiim na tumitig sa kaibigan. Nagtagis ang mga bagang.
Ngunit tila hindi naman iyon ikinatigatig ng lalaki. Hindi napalis ang panunya sa anyo nito. Tuloy pa rin sa pang-aasar. "Tss. Ang yaman-yaman mo, nagtitipid ka ng pambili ng engagement ring?"
Nang bumaba ang tingin ni Dash sa mga kamay ko na magkapatong sa ibabaw ng kandungan ko ay para pa akong nagulat at mabilis na hinatak ang mga iyon upang ikubli rito.
Hindi ko akalain na mapapansin pa nito ang bagay na iyon.
Inis na inasikan ito ni Dos ng tingin.
Hindi naman ako natatakot na magkapikunan ang mga ito dahil sanay
