ANG AKALA KO AY GANOON KO LANG kadali na makakausap si Mrs. Reyes, pero hindi pala.
Pinuntahan ko ito sa pwesto nito sa palengke, ngunit wala na ito roon. Ang sabi ng mga napagtanungan ko sa mga katabing pwesto, ay kanina pa raw ito umalis.
Pagkatapos na pagkatapos ng insidenteng kinasangkutan nga ng nanay ko ay nagsara na raw kaagad ito ng pwesto nito at hindi na bumalik pa.
Kinailangan ko pa ring magtanung-tanong kung saan ang bahay nito, ngunit sa kasamaang palad, ay wala rin ito roon. Tanging ang kasambahay lamang ang nakausap ko at sinabing wala nga raw ang amo nito roon. Umalis daw, at hindi niya alam kung kailan ang balik.
Nanlulumong napaupo ako sa tabi ng kalsada, sa tapat ng malaking bahay ni Mrs. Reyes.
Ano na ngayon ang gagawin ko?
Saan ko pa ito maaaring hanapin?
Kung g
