HINDI KO NA hinintay pa na makalapit si Dos at pagbuksan ako ng pintuan ng sasakyan nito. Pagka-unlock pa lamang, gamit ang remote control key nito ay padarag ko nang binuksan iyon, at kulang na lamang ay makalas ang mga turnilyo ng pintuan niyon sa lakas ng pagkakahatak ko, upang sumara.
Mula sa loob ng sasakyan ay nakita kong napahinto ang lalaki sa tangka sanang paglapit. Ilang sandaling natitigilang nakatingin lang ito sa pintong pinasukan ko.
Heavily tinted ang mga salamin ng sasakyan nito kaya't alam ko na hindi ako nito nakikita mula sa labas. Baka tinitingnan lang nito kung na-damage nga ang pinto ng sasakyan nito.
Kahit papaano ay nakaramdam ako ng pagbubunyi ng kalooban dahil doon.
Pero hindi pa rin nabawasan ang galit na nararamdaman ko para dito.
Padabog pa ring ipinag-kru
