Your best ally is not your friend, it is yourself. Just you.
HINDI agad ako nakabalik ng kwarto gaya ng plano ko. May ilang oras pa naman bago tuluyang mapahamak ang katawan at kaluluwa ni Bellona. Kailangan ko munang makaiwas sa mga tao. Kailangan ko munang mapag isa.
Dahil sa engkwentro ko sa tatay ko, hindi ako makapag isip ng diretso. Kinakain ako ng halo halong emosyon ko at hindi ako sanay. Matagal na panahon na nang maramdaman kong maging masaya pero hindi man ganoong katapang ang emosyon na iyon ay alam kong masaya ako. Kahit papaano ay naging masaya akong makita ang ama ko.
Nakarating ako sa kung saan saang lugar. I feel devastated. Hindi ko magawang matuwa na nasabi ko iyon sa kanya. I am not satisfied. Hindi ko na alam kung tama ba ang daang tinatahak ko. I saw his smile.
