"Nay, Tay, narito na po ako. Ako po ito, si Joy," pagpapakilala ko sa mga magulang ko.
Sa wakas, nakarating na rin ako sa harap ng puntod ng mga magulang ko.
Simple lang ang kanilang magkatabing himlayan.
Noon ko pa balak na baguhin ang kanilang libingan ngunit dahil nga nagtatago ko ay ayaw ng ipagalaw ni Tiyo Luis para na rin sa proteksyon ko.
Ngunit ganun din naman pala. Walang kwenta ang mahabang panahon na pagtatago ko dahil natunton na pala ako ng mga kalaban na walang pangalan.
Mga kaaway na hindi ko alam kung ano ba ang nagawang kasalanan ng aking tatay para parusahan nila kami ng ganito na kahit ilang taon na ang lumipas ay wala silang awa at handa pa rin akong paslangin.
Tinatakpan ng aking kanang kamay ang kandila na aking sinindihan upang hindi ito mamatay sa ihip ng hang
