RIVA's POINT OF VIEW
Lubos-lubusan ang pagtataka ko. Bakit? Bakit kailangan mag-unahan ng mga luha ng aking Lola nang unang beses pa lamang na lumapat ang kaniyang mga mata sa dalawang lalaking kasama namin ngayon.
Ang mga ito, ang ekspresyon ay hindi nagulat o nabigla man lamang ng sambitin ni Lola ang mga salitang iyon.
"Mga apo ko. . ."
Hindi ko maintindihan kung sino ang marapat na una kong pagbalingan ng tingin, gayunpaman ay may kusa ang dalawa kong mata at iyon ay nanatili sa matandang kinikilala kong Lola.
Dahan-dahan ang ginawa nitoong paglakad patungo sa dalawa. Noong makalapit siya sa dalawang hindi naman iniaalis ang tingin kay Lola, iniangat niya ang kaniyang magkabilang kamay upang haplusin ang pisngi ng dalawa.
Nakitaan ko ng tipid na ngiti si Nurse Jiro habang na
