Irah Marie’s POV
Hindi ko alam kung tuluyan ba akong papasok sa kusina. Nasa bungad pa lang ako ay naamoy ko na ang niluluto mula sa loob. Naging sensitive talaga ang pang-amoy ko simula nang nabuntis ako. Dati ay hindi naman ako nasusuka sa amoy ng baka.
Pero dahil kailangan kong magpaalam kay Nanay Delia na dadalaw ako sa mga kapatid ko ay nagpasya akong tumuloy, kaya tinakpan ko na lang ang ilong ko. Pagkapasok ko sa kusina ay mas nahilo pa ako sa amoy ng niluluto ni Manang Evelyn.
“Oh, Irah, saan ang punta? Ang ganda mo naman.” Bungad sa akin ni Manang Evelyn na umawang pa ang bibig nang makita ako.
“Ah, dadalaw lang po ako sa mga kapatid ko.” Magalang na sagot ko na saglit tinanggal ang kamay sa ilong ko. “Hinahanap ko lang po si Nanay Delia para makapagpaalam at siya na lang ang
