“A-Ang s-sakit po,” umiling ako habang sinusubukang igalaw ang aking kaliwang paa.
Na-out of balance ako at gumulong pababa ng hagdanan nang naitulak ako ni Mrs. Bautista. Kaya ngayon ay sinusubukan kong tumayo ngunit ang kanang paa lamang ang naigagalaw ko dahil sobrang sakit ng kaliwa kong paa kapag ginagalaw ko iyon.
Masakit din ang katawan ko dahil ang tagiliran ko ang unang bumagsak sa sahig. Kaya siguro pakiramdam ko ay pagod na pagod ako.
Namimilipit ako sa sakit ng aking kaliwang paa at gusto kong humingi ng tulong kay Mrs. Bautista ngunit wala ng lumalabas na boses sa aking bibig. Puro hikbi lamang ang lumalabas doon at hindi ko na alam kung anong gagawin.
Nakatayo lamang si Mrs. Bautista sa may hagdanan at nakatingin sa akin, ngunit nakikita ko ang panginginig ng mga mata niy
