CHAPTER 11
“Tang-ina, nakita na yata niya ako. Hindi pwede ‘to.” Lakad-takbo siyang pumunta sa nakaparada niyang motor. Hindi pupuwedeng maabutan siya doon. “Magkikita tayong muli Errol. Kahit pa may nararamdaman ako sa’yo, hinding-hindi ka lulusot sa akin. Mabibitag din kita. Mapapabagsak ko din kayong lahat.” Bulong niya bago niya sinakyan ang kanyang motor palayo sa bahay nina Errol.
Hindi siya dumiretso sa inuupahan nilang bahay ni Avi. Gusto niyang makalimot kaya isang araw pagkatapos namatay si Avi ay naghanap na agad siya ng malilipatan. Malapit lang sa pinag-iinuman nila ni Errol sa subdivision. Mabuti at may nakita siyang nagpaparenta ng bahay kaya madali ang kanyang paglipat. Mababaliw kasi siya kung doon pa sa apartment kung saan namatay si Avi siya mananatili
