-ZYAIR-
"Hello, kuya?" Dali-dali kong sinagot ang tawag niya ng mag-ring ang cellphone ko. Nakaraan ko pa rin kasi siya hinihintay na tumawag, ang plano ko pa nga ay ako na mismo ang tatawag, nawala na lang sa isip ko dahil nag-enjoy na rin ako sa presensiya ni Esperanza at Emman.
"Uhm, ang Manang Diday mo ito, Zyair. N-nasa.. Nasa hospital kasi ang.. ang kuya mo kaya kung maaari sana, e makauwi ka dito sa atin?" Halatang kabado at nagmamadaling wika ng mayordoma sa malaking bahay namin sa probinsiya.
Natigilan ako at agad na binalot ng kaba.
"Hah?! Bakit ho? Anong nangyari sa kanya?" Nag-aalalang tanong ko.
"N-na over fatigue yata sa trabaho, halos wala na kasing pahinga yung kuya mo kaya bigla na lang nag-pass out kanina. Makakauwi ka ba? Kailangan ka sa farm at sa mga negosyo niyo,
