طب ممكن تبطلي عياط وتهدي شويه انا هتصل بيه دلوقتي واخليه يجيلك ونعرف منه ليه عمل كده
انا لاههدي ولا هقعد من اساسه وكفايه بقي يا مازن من فضلك قول لصاحبك يعتبر نفسه ماشفنيش من اساسه
طب عشان خاطري انا اقعدي يا چانا هتسوقي ازاي بس وانتي بتعيطي كده
ماحدش ليه دعوه بيا يارب حتي اتقلب بالعربيه عشان أريح واستريح
اقعدي يا چانا اصل بصراحه انتي مش هاينفع تمشي دلوقتي
بصراحه صقر خلاص علي وصول اقعدي بقي عشان هو ثاير لوحده ولوجيه لأكي مشيتي مش بعيد يفرغ خزنة طبنجته في دماغي
شوفتي خطيبك يا اميره حضرتك كنت قاعد تثبت فيا وتضيع في الوقت لحد صاحبك ما يجي
ازاي تعمل كده يا جبان انت انت مش شايف حالتها عامله ازاي
احترمي نفسك يا اميره ولمي ل**نك زي ما هي زعلانه هو هايفرقع من الغضب يبقي نسيبهم يقعدو مع بعض ويتصالحو ولا نبعدهم عن بعض
طيب اسيبكم انا بقي تولعو انتو الاتنين مع الزفت اللي جاي ده
انا ماشيه
