Nang makapasok sa tinutuluyang kwarto ay agad na itinigil ni Elvina ang kaniyang pag-arte. Inayos niya ang nagulong buhok.
"I forgot my things. Pwedeng pakikuha na lang, Meg?"
Kahit na halata ang pagtataka sa mukha ni Meg ay tumalima naman ito. "Sige po." Ipinilig ni Meg ang ulo sa nakitang pag-iiba ng Amo. Kanina lamang ay nanginginig ito at hindi makatayo nang maayos. Napailing na lamang si Meg bago lumabas para kunin ang mga gamit ng amo.
"Okay. What's going on, Elvina?" bakas sa tono ni Monty ang kaseryosohan.
Kumuha muna ng wipes si Elvina na nakitang nakapatong sa tokador bago pinunasan ang labi. "What?" patay malisyang taong ni Elvina habang nakatingin sa Manager niya sa salamin.
"Huwag mo akong ma-what diyan. Ano iyon? Umaarte ka lang ba kanina? Wala talagang nakapasok sa
