ELLYSE MARIE ROMANO-DEL PIERRO
Prenteng-prente na nakaupo ako ngayon sa mahabang sofa dito sa living room at busy sa panunuod ng palabas sa TV. Para akong tanga na humahagalpak sa pagtawa. Nakakatawa naman kasi ‘yung mga binibitawan punch lines ng host ng show.
Abala ako sa panunuod nang tumigil ako sa pagtawa at biglang napatingin ako kay Yuri na sumulpot na lang bigla out of nowhere. Naupo siya sa kabilang sofa at tiningnan ako na parang ako na ang pinakamagandang nilalang na nakita niya dito sa earth.
“Bakit ganyan ka makatingin?” nagtataka kong tanong. Hindi kasi tingin ang ginagawa niya sa akin kundi titig. “Alam ko naman na maganda ako pero bakit nga?” tanong ko pa.
Ngumiti lang si Yuri sa akin. Sinimangutan ko siya at ibinalik ang pagtingin ko sa TV. Muli akong tumawa.
Oo nga p
