Nagdalawa ang isip ko bago lumabas ng pintuan lalo na at hindi siya kumibo para patulan ako. Gusto kong makuha ang side niya ng wala si Eloise sa paligid namin. Baka naman may maayos siyang rason kung bakit niya rin ito ginagawa? Iyon ang kailangan kong malaman ngayon.
“Hindi pa ako tapos sa mga sasabihin ko sa'yo!”
Nagulat siya sa ginawa kong pagbalik pero hindi ko iyon pinansin. Sinipat ko siya mula ulo pababa ng paa. Gwapo naman siya. Kumbaga ay may hitsura. Subalit kung ikukumpara ang mukha niya kay Israel, walang-wala iyong panama. Hindi ko nga alam kung ano ang nagustuhan ni Eloise sa kanya. Eh mas malakas ang karisma ni Israel. Kaya nakakapagtaka talaga kung bakit baliw na baliw sa kanya si Eloise. Ni wala pa yata ito sa kalingkingan ng dating asawa niya. Ano kaya ang nagustuhan n
