CHAPTER 25 - Sorry
"OH my god, Haelynn. You did that?"
Tamad akong tumango kay Xia bilang tugon sa tanong niya. Mabilis naman siyang napailing.
"Base sa kuwento mo, mukhang wala naman talaga siya itinatago sa 'yo. Nagpaliwanag pa nga agad, 'di ba?"
"Baka kasi nagi-guilty lang kaya ganoon."
Nabigla ako nang hampasin ako ng kaibigan sa braso ko.
"Gaga ka! Masyado mo yatang dinibdib ang babala kong mag-ingat ka kay Domino, kaya ngayon ay hindi mo na magawang pagkatiwalaan 'yong tao," sermon niya sa akin.
Napairap na lang ako. Walang masabi. Ni hindi ko rin magawang madepensahan ang sarili dahil pakiramdam ko ay sumobra nga ako. Pero anong magagawa ko? Naunahan ako ng emosyon!
Ngayon ko lang natatanto ang nangyayari sa akin dahil kay Domino. Kakaiba talaga ang epekto niya sa akin. Ngay
