CHAPTER 11 - Number
"ANONG ginagawa mo sa buhay? May business ka o nagtatrabaho na?"
Umiling siya sa mga tanong ko.
"E 'di ano?"
"Wala... Ang tanging ginagawa ko lang ay kung ano ang gusto ko."
Napatitig ako sa kanya dahil sa sinabi niya. Nang mapansin naman ni Domino ang reaksiyon ko ay tinigilan niya ang paglalaro ng billiard at ibinigay ang buong atensiyon sa akin.
"Si Mama, may ilan siyang business na gustong ipahawak sa akin. Pero dahil ayaw ko pa, siya pa rin ang nagpapatakbo nito."
Bahagya akong natigilan nang mabanggit niya ang mama niya. Pero mas pinili ko pa rin na umaktong natural sa harapan niya.
"Bakit ayaw mo?"
He shrugged his shoulders. "I want to enjoy my life."
Pinukol ko lang siya ng naguguluhang tingin.
"Maraming tao ang gustong maranasan ang ganitong buhay, n
