---------
***Krysthel's POV***
-
"Krysthel, bakit kailangan mo pang ungkatin ang tungkol kay Sofia?" tanong sa akin ni Harvey. Dahil sa social media kaya nagawa kong kontakin si Harvey at magkaharap na kaming dalawa ngayon. Nasa isang coffee shop at kalalapag lang ng server sa mga inorder namin.
Gusto ko lang talagang malaman ang tungkol kay Sofia. At si Harvey lang ang naisip kong pwedeng pagtanungan tungkol dito, kabarkada ng grupo nya si Sofia. Hindi naman kasi alam ni Summer ang buong estorya dahil hindi naman ito close sa mga kaibigan ng mga pinsan nito na sina Gray at Sachar. Hindi naman ako pwedeng magtanong kay Gray dahil sigurado ako na hindi nya ako sasagutin at baka magalit pa sya. Nahihiya din akong magtanong kay Sachar dahil parang dinamdam din nito ang pagkamatay ni Sofia
