[Anastasia's POV]
NAGTATAMPO pa rin ako kay Dylan dahil sa ginawa niya sa'kin pero wala akong nagawa nang magpumilit itong pumasok sa aking silid bitbit ang isang box ng sans rival at red velvet cake. Subukan ko mang pigilan ang sarili pero wala pa rin talagang makakapantay sa diskarte nito sa tuwing may tampuhan kami.
He was able to satisfy my cravings kaya naupo na ito sa aking harapan upang makapag-umpisa kami sa trabaho. Dalawang designs pa lamang ang nagagawa ko ngunit natigilan ako ng muling mabasa ang request ng pangatlo naming kliyente. Gusto nitong gumawa ako ng prom dress mula sa nakita nitong suot ko noong fashion show– mula sa damit na dinisenyo naming dalawa ni Lexus.
"May problema ba, Besh?" tanong ni Dylan nang mapansin niyang nilalaro ko ang aking lapis habang malungkot
