[Anastasia's POV]
SA tanang buhay ko ito ang unang beses na maglalakad ako sa harapan ng maraming tao. Hindi ito tulad lang ng ginagawa ko sa tuwing naglalakad sa kalsada o kapag napapagtripan kong dumaan ng overpass papuntang MRT. Nakatuon lahat ng mga mata sa'kin ngayon, hindi tulad doon na walang pakialam ang mga tao kung sino ang nakakasalubong nila sa daan.
Maglalakad ako sa catwalk hindi bilang si Anastasia Montenegro kung hindi bilang CEO at designer ng Scarlet Roses.
Isang hakbang palang ang nagagawa ko pero napalunok na ako ng ilang beses. Hindi ko malaman kung dala lang ba ng matinding nerbyos o totoong umaapoy talaga ang mga mata ni Mr. Fierro habang nakatingin sa'kin.
Binalewala ko na lamang ang pananayo ng balahibo sa aking katawan at minabuting ibuhos lahat ng konsentrasy
