[Anastasia's POV]
HINILING kong sana panaginip lang ang lahat nang nangyari kagabi ngunit paano ko naman maipapaliwanag ang lalaking tahimik na natutulog sa guest room ng Scarlet Roses.
May lakas ng loob pa si Dylan na iwan akong mag-isa dito dahil may importante daw siyang pupuntahan para sa mga imported cloths na inorder pa namin galing ng Singapore. Napasinghap nalang tuloy ako at pinag-isipan kung ano ba ang dapat kong gawin. Kanina naisip ko na lang na magpanggap na tulog hanggang sa makaalis si Mr. Fierro ngunit nagbago 'yon dahil sa lokaret kong best friend.
Mabuti nalang at nagising ako sa matapang na amoy ng kapeng nasa aking harapan. Sinadya ko pang buksan ang bintana para masinagan ng sikat ng araw ang namumutla kong mukha. Hindi pa rin ako makapaniwala sa nangyari, daig ko p
