Habang mabilis kaming naglalakad sa pasilyo ng building na ito, hinawakan niya nang mahigpit ang isa kong kamay.
Bigla kaming napahinto sa paglalakad nang may humarang sa dinaanan namin. "Xyler, nagkamali ka ng lungga na pinasukan mo. Nandito sa aking teritoryo," sambit ng isang matangkad na lalaki habang nakahithit sa kanyang sigarilyo.
Agad siyang tiningnan ni Xyler nang diritsohan, kasabay ng pagpikit ng kanyang mga mata bago siya nagsalita.
"Ivan," tawag ni Xyler sa pangalan niya. Agad kong inikot ang dalawang mata ko sa paligid at kaagad kong nahagip ng aking paningin ang mga tauhan nito sa bawat sulok ng building. Kahit saan akong tumingin, makikita ko ang mga tauhan na naghihintay ng signal.
"Xyler," sambit ko, kasabay ng paghawak nang mahigpit sa kamay niya. Agad niyang ibinali
