MADGET
MATAPOS ang yakapan portion ay nagluto siya ng makakain. Mayroon pa namang mga malulutong pagkain sa refrigerator na iniwan nila Tiya Felisa kaya't iyon na lang ang niluto niya.
Habang nagluluto siya ay pinagmamasdan ko siya mula sa sala habang nakabukas ang telebisyon at hindi naman talaga ako nanonood.
Perpekto ang katawan niya kahit nakatalikod, nakasuot lang kasi siya ng sandong gray kaya't kita ko ang kanyang mga balikat.
Tila ba kay sarap sandalan ng likuran niya dahil malapad iyon at siksik sa muscles, batak sa trabaho.
Lumingon siya sa akin at saka siya ngumiti nang makita niya akong nakatingin sa kanya.
"Ilang channels ba ang pinanonood mo? May cooking show at balita ka kasing pinanonood ngayon," wika niya.
Binaling ko ang tingin ko sa balita sa telebisyon.
"Pero m
