CONOR ISAAC
NAGKAKAPE kami ni Madget sa kusina ng bahay ni Tiya Felisa bandang alas dos ng madaling araw dahil hindi na ako dalawin ng antok.
Ilang gabi nang pabalik-balik sa akin ang panaginip na iyon na totoong nangyari sa aking nakaraan.
Habang nakaupo ako ay tahimik ko lang na inaalala ang bagay na iyon na pilit ko nang iwinawaksi ngunit patuloy pa ring umuukilkil sa isipan ko.
ANO nga ba ang nangyari sa nakaraan?
Ilang taon na ang nakalilipas nang halos hindi ko alam kung saan ako pupulutin matapos ang pangyayari na iyon na akala ko'y magiging katapusan na rin ng buhay ko.
Nagtapos ako bilang pulis at naipas ko ang Licensure Examination for Criminologist. Nag-apply ako at nakuha ako sa quota ng probinsya kaya't isa ako sa mga nag-training ng six months. Tiniis ko ang lahat para
