MADGET
ARAW ng Sabado, alas otso ng umaga nang lumipat kami sa Tita Lola's boarding house. Tinulungan kami ng ilan sa mga kaibigan ni Conor at sumunod naman si Nanay Romely.
Kaunting paglilinis lang ang ginawa namin dito kahapon kaya't ngayon ay ipagpapatuloy namin ni Conor ang pagliligpit at pag-aayos ng mga gamit.
Nang maibaba na ang mga kagamitan ay isa isa nang bumaba ang mga lalaki, naiwan naman si Nanay Romely upang kausapin kami.
"Sigurado na ba talaga kayo sa inyong pagbubukod?" tanong niyang nakatingin sa aming dalawa habang nakaupo siya sa tapat namin sa maliit na sala ng kwartong aming inuupahan.
"Opo nay, sigurado na po kami. Siguro po ay sa makakapagsimula kami nito ng maayos, at mas makikilala na namin ang isa't isa," sabad ni Conor.
"Kung magpakasal na kaya kayong dala
