MADGET
BIGLANG tumingin sa akin si Sgt. Balderama nang makita niya akong nakatayo sa tarangkahan ng bahay.
"Magandang umaga po, Sargeant." Lumapit ako at nagmano sa kanya.
Ka-close siya ng yumao kong ama at isa siya sa kinikilala kong takbuhan sa tuwing ako ay naaapi noong ako'y bata pa lamang. Ipinagmamalaki ko siya sa aking nga kaklase ko noong ako'y nasa grade school pa lamang.
"Oh, nakauwi ka na pala. Kailan ka pa dito?" nagtatakang tanong niya sa akin.
"Noong nakaraang araw lang po, Sargeant," magalang kong sagot.
"Ikaw naman hija, kapag mga ganitong pagkakataon ay alisin mo na iyong Sargeant na tawag mo sa akin. Hindi naman ako narito bilang pulis, narito ako upang kumustahin ang tiyong mo," aniya.
"Naku, hindi niyo po naabutan. Kaaalis lang po. Pero nariyan po si Tiya Felisa
