✿♡ TATE DE LUNA ♡✿
SANA totoo.
Sana totoong puso ang hinuhusgahan niya sa tao.
Sabagay, mukha talaga siyang mabait. At sana nga ay katulad siya ni Glenn. Si Glenn kasi, hindi niya ako hinusgahan noong nalaman niyang sa club ako nagtatrabaho bilang waitress. Hindi niya hinusgahan ang kalagayan ng buhay ko kahit na ang layo-layo ng agwat namin noon.
Kapag nga magkasama kami, parang nagiging ka-level ko na rin siya. Kapag nakakamay akong kumain, magkakamay rin siya. Kapag magkasama kami, hindi siya nagsusuot ng mga branded na damit or ‘yong mahahalatang mamahalin. Magpapakasimple lang siya para hindi raw ako magmukhang alalay niya.
One time nga, naalala ko pa, noong magkasama kami sa apartment ko at nakita niyang may butas ang damit ko, sinadya niyang butasin din ang sa kaniya. Tapos
