MARIE's POV
UMIIYAK akong tumakto pabalik sa guestroom. Matapos kong i-lock ang pinto, tinungo ko ang kama at doon ako naupo sa gilid habang tutop ang bibig ko at umiiyak.
Is she . . . my daughter?
S’ya ba ang anak namin ni Bryan?
S’ya na ba ‘yong iniwan ko noon dahil mas pinili kong maghanap-buhay sa malayo para makaahon sa kahirapan?
Kaya ba iba ang pakiramdam ko sa kan’ya noong unang beses ko pa lang s’yang nakita sa university?
Noong araw na ‘yon na nagtanong ako sa kaniya kung nasaan si Xyrus, habang naglalakad kami, lagi ko siyang sinusulyapan dahil kakaiba ang pakiramdam ko. Magaan. Para bang pakiramdam ko sa sarili ko ay kilala ko na siya noon pa.
Pero noong time na ‘yon na tinawag ni Xyrus ang pangalan niya, hindi Tate ang dinig ko kun’di Kate, kaya hindi ko inisip na siy
