Nang inihatid siya ni Nate sa shop ay sinilip niya muna kung may mga tao sa labas. Bumaba siya nang matiyak niya na walang nakakita sa kaniya.
"Nate, thank you so much," aniya.
"Thank you for trusting me, Greta. I won't break this."
"Salamat din sa tiwala na binigay mo sa akin, Nate. Pinagkatiwalaan mo ako. Kinuwento mo sa akin ang iyong karanasan."
Ngumiti siya bago siya pumasok sa shop.
Tulala siya. Tumatakbo sa isipan niya ang kuwento ni Nate sa kaniya.
"Tulad ni Megumi ay napamahal ako kay mommy, Greta. She raised me by herself without the help of my father. Noong sinabi ni mommy sa ama ko na pinagbubuntis niya ako ay hindi naniwala ang gagong iyon. Ang ginawa niya pa ay pinahiya niya sa gitna ng maraming tao si mommy. Parang gusto na lang ni mommy na lamunin siya ng lupa noon
