Ang aga-aga siyang hinatid ng mommy niya sa school. Agad siyang tumungo sa room niya dahil iniiwasan niyang magkita na naman sila ng daddy niya. Sinabihan siya ng mommy niya kagabi na gumising ng umaga dahil nga ay may importante itong lalakarin.
Kahit bata pa ay balisa nitong nagdaang mga araw si Megumi. Palagi niyang iniisip ang sinabi ng daddy niya. Kukunin siya nito. Ilalayo siya nito sa mommy niya. Minsan ay napapapikit na lang siya at napapahiling na sana ay hindi iyon mangyayari. Hiling niya rin na hindi siya ilalayo sa kaniyang mommy.
She couldn't imagine her life without her mommy. Ang mommy niya ang naging best friend niya simula noong minulat niya ang mata niya. Now, her father is making moves to take her from her mommy. Bata pa siya at hindi niya alam ang kalakaran ng batas.
