Hanggang ngayon ay hindi pa naalis sa puso ni Greta ang kaba. Bigla na lang kasing nawawala itong anak niya. Hindi siya nasasanay na hindi nagpapaalam ang anak niya kapag may pupuntahan ito.
Takot na takot siya na mahiwalay sa kaniya ang anak niya. Ang papuntahin sa paaralan sa halos araw-araw ang anak niya ay malaking pagsubok na ito para sa kaniya, ito pa kayang bigla na lang nawawala ang bata?
"Saan ka ba galing, anak!?" tanong niya sa bata.
Hindi sumagot si Megumi. Patuloy lang ito sa pag-aayos ng buhok ng laruan nitong manyika.
"Megumi, I'm asking you. Pinakaba mo ako. Alam mo naman na hindi ka puwedeng aalis na lang na hindi ka nagpapaalam sa akin. Kausap ko lang sa phone kanina ang ang tinang mo, at nang tumingin ako sa swing ay wala ka na. Saan ka nagpunta, Megumi?"
She rele
