Kumpleto na halos ang mga kasamahan nila ng dumating sila ni Cindy sa bar na pinagdadausan ng birthday ni Edgar. Agad silang nilapitan ng may kaarawan ng makita sila. Napangiti siya dahil nakita niyang agad na umandar ang pagiging flirt ni Cindy. Talagang kahit kasamahan sa trabaho basta gusto nito ay hindi pinapalampas. Sabagay, matagal na naman niyang alam na type ng kaibigan si Edgar. Iyon nga lang, medyo suplado ito sa kaibigan niya.
“Mabuti nakarating kayo. Kain muna,” sabi nito sa kanila.
“Puwede ba namang hindi kami pumunta eh, birthday mo ngayon,” ngiting – ngiting sabi ng kaibigan niya.
Ngumiti lang dito si Edgar at tumingin sa kanya.
“Are you okay, Emille? Parang mukha kang problemado?” Puna nito.
Pinilit niyang ngumiti.
“Okay lang ako. Doon na muna kami ni Cindy
