“Ang aga mo, ah!” bati ni Cindy kay Emille ng makapasok ito sa loob ng kitchen. Naabutan siya nitong nagde – design ng isang cake na ituturo niya sa klase niya mamaya.
“I can’t sleep,” tanging sagot niya at ipinagpatuloy ang ginagawa.
Tumingin sa kanya si Cindy na parang hindi naniniwala sa sinabi niya.
“Bigla ka ngang nawala kagabi. Tapos nagtext ka na lang na nasa bahay ka na at hindi maganda ang pakiramdam mo. Nalasing ka ‘no?” sabi pa nito.
Hindi siya nakakibo at itinuon ang pansin sa ginagawa.
Oo. Nalasing na naman siya kagabi. At kahit ayaw niya, napilitan siyang pumayag na ihatid siya ni Alonzo.
“Ano? Paano ka nakauwi kung nalasing ka?” usisa pa nito.
“I took a cab,” pagsisinungaling niya.
Napairap si Cindy sa narinig na sagot niya at tumango – tango. “Malamang inaway
