Sa balkonahe ng lumang mansion, nakaupo si Fina, nag-iisa at nakatingin sa malayo. Tahimik ang gabi, ngunit ang bigat ng nararamdaman niya ay parang alon na humahampas sa kanyang dibdib. Ang malamig na simoy ng hangin ay tila hindi sapat upang palamigin ang nag-aalab na sakit na nararamdaman niya sa loob. Naguguluhan siya sa mga nangyayari, hindi niya malaman kung saan lulugar, lalo na pagkatapos ng huling pag-uusap nila ni Caleb.
"Fina," isang pamilyar na boses ang gumambala sa kanyang mga iniisip. Nang lumingon siya, nakita niyang si Karlos, nakangiti at malumanay na naglakad papalapit sa kanya.
"Anong ginagawa mo rito?" tanong ni Fina, bahagyang nabigla sa presensya ni Karlos. "Wala ka bang ibang pwedeng asikasuhin?"
Umiling si Karlos at umupo sa bakanteng silya katapat niya. "Nag-ii
