Napailing na lamang sila Manang Ligaya, Mayet at Lotlot habang pinagmamasdan ang tatlo na nasa hapag para sa kanilang almusal. Pinagsasabihan ni Fina ang dalawa na para bang mga bata dahil nagaagawan ang dalawa sa hotdog na may cheese. At ni walang nais na magparaya sa dalawa dahil parehong gusto nila ang cheesy hotdog.
"This is mine, ako ang nauna dito sa mansion, stocks ko 'to. Kapal ng mukha mo, nakikikain ka na nga lang eh." ani ni Caleb habang hawak-hawak ang tinidor kung saan nakatusok ang hotdog.
"Buong buhay natin, Caleb.. ikaw na ang pinapaburan. Hotdog na lang ito, pinagkakait mo pa sa akin? sugapa ka talaga." sumbat naman ni Karlos sa kaniyang pinsan.
"Tama na nga 'yan!" saway ni Fina sa dalawa. Kapag ako nainis sa inyo ipapasok ko ng buo itong hotdog sa mga lalamunan niyo
