"Bwisit na Caleb ito, lakas ng loob magpa-renovate, wala pa naman pala mga tao." nakasimangot na sabi ni Fina habang inaayos niya ang mga poster na ginawa na kaniyang ipapaskil sa may plaza dito sa may bayan. Dahil walang printer na available rito sa may mansion. At wala rin sa may bayan ay manu-mano siyang nagsulat at gumuhit sa mga papel na nahanap niya sa may library ng mansion. Gumawa rin siya ng maliliit na flyers na plano niyang ipamigay mamaya sa mga tao na dumadaan doon.
Inilagay niya ang poster sa kaniyang bag at napatingin sa kaniyang sarili sa may salamin. Suot na niya ang kaniyang damit dahil natuyo na iyon matapos niyang labahan. Binigyan na siya ng paunang bayad ni Caleb para sa kaniyang sweldo at sakto rin na pupunta siya ng bayan. Mamimili siya ng mga damit mamaya at ilan
