2:30 am ng madaling araw ng lumabas mula sa Manila Airport ang isang matangkad na babae na nakasuot ng isang simpleng brown t-shirt, fitted rug jeans at black boots.
Nakasuot ito ng isang malapad na black shade’s habang nakalugay ang bagsak at brown nitong buhok na lampas balikat ang haba.
Takaw atensyon ang dating ng babae dahil sa napaka-gandang hubog ng katawan nito kahit napakasimple ng kasuotan nito.
Halos lahat ng tao sa airport ay sa kan’ya nakatuon ang pansin ngunit patuloy lang sa paglalakad ang dalaga na tila walang pakialam sa kan’yang paligid.
Diretso itong sumakay ng taxi na nakaparada sa harap ng airport.
Pagkatapos ng 30 minutong biyahe ay huminto sa tapat ng isang apartment ang taxi at bumaba ang dalaga pagkatapos magbayad sa driver.
Napakatahimik ng paligid at wal
