Chapter 25
Nananakit ang ulong naalimpungatan si Lia. Halos hindi niya maidilat ang mga mata niya dahil nag-aagaw antok pa siya. Nakadapa siya sa kama kaya mabigat ang ulong tumunghay siya. Natilihan siya nang makitang katabi niya si Gino!
Mabilis at isa-isang nagbalikan sa isipan niya ang mga nangyari na parang rolyo ng negatibo sa pelikula. Nag-inuman nga pala sila. Akmang tatapikin niya ito para magising nang mapatitig siya dito. Kung bakit naman kasi napakaamo ng mukha nito kapag ganitong tulog?
Ang gwapo talaga. Napabaling ang tingin niya sa labi nitong bahagya pang nakabuka. Ang pula ng mga iyon at halatang malambot. Pero bakit ba dito pa dumayo nang tulog ang loko?
Napailing siya. Bigla ang pagpasok nang kalokohan sa utak niya. Kumilos ang kamay niya at hinawakan ang matangos n
